a) Administrazioa Eraberritzeko eta Administrazio Elektronikorako Idazkaritza Nagusiaren menpe dauden organoen lankidetza eragotzi gabe, administrazioa arrazionalizatzea, hobetzea eta eraberritzearen alorrean emandako jarraibideei behar bezala egokitzeko :
1) Herri Administrazioen Araubide Juridikoaren eta Administrazio Prozedura Erkidearen alorrean eman beharreko arauak lantzea eta garatzea
2) Euskal herri administrazioen sailkapen eta egituratze instituzionalerako tresnak eta ereduak lantzea eta proposatzea.
b) Euskal Autonomia Erkidegoko Administrazio Orokorrak beste administrazioekin edo ente eta erakunde publiko zein pribatuekin sinatutako hitzarmen eta akordioen gordetzaile izatea.
c) Euskal Autonomia Erkidegoko Administrazio Orokorrean dauden edo sortzen diren datu-fitxategietatik izaera pertsonala dutenak antolatzea eta gainbegiratzea.
d) Euskal Autonomia Erkidegoko Administrazioaren eskumen diren toki araubideko gaiak ebaztea eta horiei buruzko irizpena ematea.
e) Toki araubideko gaietan, koordinazio-lanak burutzea eta arauak egitea.
f) Tokiko zereginei eta zerbitzuei buruzko azterketak egitea eta informazioa eta aholkuak ematea.
g) Euskal Autonomia Erkidegoko Administrazioko sail eta erakunde autonomiadunen eta Foru eta Toki administrazioaren arteko harremanak eta lankidetza bultzatzea eta horren jarraipena egitea.
h) Toki Administrazioari buruzko erregistro-tresnak kudeatzea.
i) Toki erakundeak elkarrekin biltzeko eta moldatzeko formula organiko eta funtzionalak sustatzea.
j) Uztailaren 28ko 326/1994 Dekretuaren bitartez sortutako Euskadiko Udal Kontseiluan idazkari-lanak egitea.
